Ramazan ayı Hicri təqviminin doqquzuncu ayı sayılır.İslam dinininə görə Məhəmməd Peyğəmbərə Quran ayələrinin enməyə başladığı bu ayda Müsəlmanlar oruc tutur. Bu ayda oruc tutmaq isə İslamın beş şərtindən biridir. Ramazan ayı adətən 29-30 gün çəkir. Ramazan bayramı müsəlmanlar tərəfindən hicri təqviminin ikinci ilində (624-cü il) dən  qeyd olunmağa başlayıb. Ramazan ayının son 10 gecəsindən biri Müsəlmanların müqəddəs kitabı olan Qurani Kərimin nazil olduğu günlərdən birinə təsadüf edir. Deyilənə görə, bu hadisə ayın 23-dən 24-nə keçən gecə, ya da 26-dan 27-nə keçən gecə baş vermişdir. Bu gecə "laylat alkadr" — qüdrətli, əzəmətli gecə adlanır. Quranda bu gecə haqqında belə yazılır: "Biz bu gecə həqiqətən qüdrət, əzəmət hədiyyə etmişik, bu gecə min aylardan da qüdrətlidir, mələklər aşağı enərək, Allahın əmrini gözləyirlər, bu gecə şəfəqin doğmasına qədər aləmdir, sülhdür" Ramazan ayı insanların qəlbini və təfəkkürünü nurlandıran, onları əmin-amanlığa, vəhdətə, əxlaqi saflığa dəvət edən mübarək aylardandır. Bu ay insanlara Allahı sevmək prinsiplərini öyrədir, onlara öz iradə qüvvələrini, dözümlüyünü yoxlamaq imkanı verir, insanları gözüaçıq, təmiz vicdanlı olmağa yönəldir. Müsəlmalar bu kimi hissləri allah yolunda oruc tutmaqla ifadə edir. Orucluq ayının bitməsi, Ramazan ayının son gecəsi — İD ƏL-FİTR BAYRAMI ilə başa çatır. Həmin gün bütün imkanlı müsəlmanlar kasıblara yardım etməlidirlər. Fitrə edilərkən bütün ailə üzvləri adından imkansız ailələrə yardım göstərilir ki,onlarda bu bayramda öz süfrələrinin ruzi bərəkətlə doldursunlar.  Azərbaycanda 1993-cü ildən Orucluq bayramı dövlət səviyyəsində qeyd olunur. Mən dünya müsəlmanlarının Ramazan Bayramı təbrikini Müzəffər Ali Baş Komandanımız Cənab İlham Əliyevin təbriki ilə ifadə etmək istərdim: “Bütün dünya müsəlmanlarını Ramazan ayı münasibətilə təbrik etmək istəyirəm.Bütün dünya müsəlmanlarına sülh,əmin-amanlıq rifah arzu edirəm”. Allah orucunuzu qəbul etsin. Ramazan bayramınız mübarək olsun! Abasov Elnur İctimai Xadim